| بندہِ بے قرار آیا ہے |
| ایک اُمیدوار آیا ہے |
| جو بھی آیا ہے تیری محفل سے |
| دل لیے بے قرار آیا ہے |
| دل بھلا کب کسی کی سنتا ہے |
| کیوں نصیحت گُزار آیا ہے |
| یہ میں ہی جانتا ہوں مجھ پر اُنہیں |
| کس طرح اعتبار آیا ہے |
| منزلیں اوروں کو نصیب ہوئیں |
| میرے حصے غبار آیا ہے |
| بھری دنیا میں میرے حصے میں |
| اِک تِرا انتظار آیا ہے |
| کسی کو کوئی پوچھتا ہی نہیں |
| کیسا بے حِس دیار آیا ہے |
| آہ، جب جسم سے نکل گئی جان |
| تب مِرا غم گسار آیا ہے |
| میری توبہ کی خیر ہو یارب |
| موسمِ پُر بہار آیا ہے |
| بارِ وحشت جِسے کہیں شاہدؔ |
| میرے دل پر وہ بار آیا ہے |
معلومات