| میں اِس جَہاں سے کَہِیں اُدھر رقص کر رَہا ہُوں |
| رِدا تَصَوُّر کی اَوڑْھ کر رقص کر رَہا ہُوں |
| تمہارا وحشی ہوں چین سے کیسے بیٹھ جاؤں؟ |
| لَحَد میں بھی دیکھ! کس قَدر رقص کر رَہا ہُوں |
| تِرے لیے بے کِنار دنیا سے مَیں ہوا ہُوں |
| مِرے صنم دیکھ! لا تَذَر, رقص کر رَہا ہُوں |
| مجھے وہ حالِ رَمیدَگی بخشا ہے جُنُوں نے |
| ہیں بیڑیاں پاؤں مِیں, مگر رقص کر رَہا ہُوں |
| کوئی جُنُوں زاد ہوں نہ کوئی فَریفْتَہ ہوں |
| یونہی بَصد شوق رات بَھر رقص کر رَہا ہُوں |
| متاعِ وحشت مَیں ساتھ شاہدؔ لِیے ہُوے ہُوں |
| کَہِیں بھی جاؤں مَیں, با خَبر رقص کر رَہا ہُوں |
معلومات