صاحبِ ہمت ہیں ہم نا صاحبِ شمشیر ہم |
ہیں بہت شرمندہ تجھ سے وادئِ کشمیر ہم |
تجھ پہ دشمن کا تسلط اب ہمیں کھَلتا نہیں |
توڑ پائے نا غلامی کی تری زنجیر ہم |
کر سکے محفوظ نا تو بیٹیوں کی چادریں |
نا شہیدوں کے لہو کی کر سکے توقیر ہم |
وادیِ کشمیر تیری بے بسی کو دیکھ کر |
دل گرفتہ دل شکستہ اور ہیں دلگیر ہم |
نام لیوا ہیں حسین ابنِ علی کے ہم سبھی |
دل میں پر رکھتے نہیں ہیں جذبہِ شبیر ہم |
ہم کو اپنے ہی مسائل سے ابھی فرصت نہیں |
معذرت کرتے ہیں تجھ سے وادیِ کشمیر ہم |
ہے ضیاؔ زورِ بیاں تحریر میں تقریر میں |
بے کسی کم ہمتی کی بن گئے تصویر ہم |
معلومات