| تُجھ کو الفت سے عداوت ہی سہی |
| کچھ مروّت کی اجازت ہی سہی |
| تیری خاطر جو گزاری میں نے |
| زندگی اپنی شہادت ہی سہی |
| غور کرنا جو نہیں سن تو لے |
| گفتگو کہہ لو کرامت ہی سہی |
| مدرسے میں گماں ہے یہ کس کو |
| مفت ہاتھ آئے جہالت ہی سہی |
| چھوڑ کر اس کو نہیں جائیں گے |
| مل گئی اتنی فراست ہی سہی |
| ہم تو دل اس پہ لٹا بیٹھے ہیں |
| تم جو کہتے ہو عبادت ہی سہی |
| وہ جو ملنے مرے گھر آ پہنچے |
| اس بہانے سے عیادت ہی سہی |
| وصل کے بعد جدائی بھی ہو |
| دو گھڑی کی یہ رفاقت ہی سہی |
| مجھ پہ انصاف کا احسان کرے |
| کُفر پر اس کی سیاست ہی سہی |
| آنکھ یوں ہی تو نہیں بھر آتی |
| بھیگنے کی اسے عادت ہی سہی |
| طارق اس شہر میں ہجرت کر کے |
| مل گئی ہے جو سعادت ہی سہی |
معلومات