| ملالِ من نے مارا ہے، حبیبی یا رسول اللہ |
| حزیں دل کا تو چارا ہے، حبیبی یا رسول اللہ |
| کٹھن گھڑیاں، غمِ جاناں، کریمی کرم فرماناں |
| نگاہِ لطف یارا ہے، حبیبی یا رسول اللہ |
| کبھی کوئی گیا خالی، سخی دربار تیرے سے |
| عطا تیری سہارا ہے، حبیبی یا رسول اللہ |
| نہیں کوئی، کہیں تجھ سا، خزانے رب کے، تو بانٹے |
| عُلیٰ تیرا جو نعرہ ہے حبیبی یا رسول اللہ |
| قسیمِ نعمتِ یزداں، گدا تیرے دہر سارے |
| تجھے حاصل اجارہ ہے، حبیبی یا رسول اللہ |
| گراں بٹنا ہے، رحمت کا، غلاموں میں، اسی در سے |
| غنیٰ کا جو اشارہ ہے، حبیبی یا رسول اللہ |
| سنہری جالیاں دیکھوں، ندا محمود کے دل سے |
| غمِ ہجراں نے مارا ہے، حبیبی یا رسول اللہ |
معلومات