| مجھے شوقِ لذتِ کرب ہے مجھے لطفِ سوزِ جگر سہی |
| جسے سہنا ایک عذاب ہو وہی کوئی حرفِ ضرر سہی |
| نہیں تابِ حسن و ادا جسے اسی شخص پر ہوں تجلیاں |
| جو تباہ کر دے نظر کو ہی وہ نگاہِ برق و شرر سہی |
| مری خلوتیں مری ہجرتیں عجب ایک معرکہ فن ہوئیں |
| تری رَزم گاہِ خیال میں مری زیست ایک ہنر سہی |
| وہی حالتِ دلِ غم زدہ وہی شوق ہے وہی آرزو |
| یونہی دشت و در کا سفر سہی یونہی زندگی کا بسر سہی |
| یہ جہان سنگ سے اے خدا مجھے کچھ ملا ہے تو یہ ملا |
| کبھی شورِ عالمِ ہاؤ ہو، کبھی بارِ دیدۂِ تر سہی |
| ترا دھیان تیرا گمان ہے یہی مقصدِ دل و جان ہے |
| نہ میں باز آیا نہ آؤں گا یہ ہجومِ غم مرے سر سہی |
| سرِ راہ گرد و غبار ہے وہ جو رستۂِ کوۓ یار ہے |
| وہاں سے گزرنا تو ہے مجھے یہ اگرچہ سخت ضرر سہی |
| مری یادِ عیشِ دوام میں کسی نقشِ ناز کا قہر ہے |
| جو نظام درد چلاتا ہے جو وفورِ گریہ و زر سہی |
| ہے مراد یہ کہ جنوں رہے مری ذات محوِ فسوں رہے |
| کوئی پرتپاک خطر سہی کوئی بھول بارِ دِگر سہی |
معلومات