| خدا کے فضل کا بہتا ہوا دھارا مدینہ ہے |
| غمِ فرقت کے ماروں کا فقط چارہ مدینہ ہے |
| چراغِ آرزو لیکر کہاں نکلے ہو تم لوگوں |
| جہاں تاریک ہے سارا اور اک تارا مدینہ ہے |
| میں ہوں قربان یارو تُربَتِ اَرضِ مدینہ پر |
| مرے آقا کو بھاتا ہے بڑا پیارا مدینہ ہے |
| کہ یوسف خود ہی بکتے ہیں یہاں آکر جہاں بھر سے |
| ہاں سوقِ مصر سے بڑھ کے ہی یہ سارا مدینہ ہے |
| محمدﷺ سب کے آقا ہیں گدا ہم سب انہیں کے ہیں |
| بہاروں کی ہوائیں ہیں بہت پیارا مدینہ ہے |
| بہت سے شہر ہیں مشہور دنیا میں مگر حسانؔ |
| جہانوں پر جو چھایا ہے بڑا نیارا مدینہ ہے |
معلومات