| اندھیرے چیر کے آؤ ضیا تلاش کریں |
| کہ اپنے دل میں ہمیشہ خدا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| یہ سوچتے ہیں کہ اب ڈھونڈنا ہے کس کو ہمیں |
| یہ سوچتے ہیں کہ ہم لوگ کیا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| وگرنہ سانس بھی لینا محال ہوگا یہاں |
| بہت ہے حبس کہیں پر ہوا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| عجیب روگ لگا کر چلا گیا ہے کوئی |
| کہاں پہ جائیں کہاں ہم شفا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| تُو مل گیا ہے تو سب کچھ ہی مل گیا ہے ہمیں |
| تمہارے بعد بھلا اور کیا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| عبث یہ مندر و مسجد میں ڈھونڈتے ہیں اُسے |
| سو کیوں نہ اپنے ہی دل میں خدا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| چلو کہیں تو ملے گی نہ زندگی کی نوید |
| ہے چار سو ہی عداوت وفا تلاش کریں |
| ۔۔۔۔۔۔۔۔۔۔۔۔۔۔۔۔۔۔۔ |
| کتابِ زیست کو مانی سو کیوں نہ کھول کے آج |
| کبھی جو کرتی تھی پیچھا صدا تلاش کریں |
معلومات