| سوالی نے جب بھی نبی کو پکارا |
| ملا اس کو طغیانی میں بھی کنارا |
| کرو گے سدا گر درِ دلربا پر |
| سخی کبریا سے ملے گا سہارا |
| انیسِ غریباں وہ دانی کرم کے |
| ہیں ٹھنڈک نگہ کی دلوں کا سہارا |
| حسیں در نبی کا ہے ارماں میں مولا |
| ندا دے کے کہتا ہے یہ غم کا مارا |
| ملی سانسیں ہستی کو جن کی ہیں خاطر |
| نبی وہ ہمارا دل و جاں سے پیارا |
| درود ان پہ ہر دم اگر ورد بھی ہو |
| سدا خوش رہے گا مصیبت کا مارا |
| ملے تم کو محمود ان کی توجہ |
| فروزاں ہو تیرے مقدر کا تارا |
معلومات