| آسماں کو چھوتے ہیں اب دام جو بازار میں |
| خستہ دامن ہو چلے مہنگائی کی اس مار میں |
| دل لگی میں ہو اگر چین و سکوں برباد بھی |
| "بے قراری کا مداوا ہے خیالِ یار میں" |
| راس قلت ہے نہ کثرت ہے یہاں ہم کو مگر |
| ہو بے کیفی پر شکارِ اندک و بسیار میں |
| ملک کی خاطر جو تن من دھن نچھاور کرتے ہیں |
| کرتے ہیں خود کو فنا وہ ہلکی اک للکار میں |
| منفی جزبے بھول کر ناصؔر نہ اپنائیں کبھی |
| سوچ مثبت ہی رکھیں ہم ان گنت انکار میں |
معلومات