اب لوگ محبت میں وفادار نہیں ہیں
یہ درد سمجھتے نہیں غم خوار نہیں ہیں
جو لوگ محبت کے امیں بن کے پھرے تھے
وہ آج وفاؤں کے طلب گار نہیں ہیں
ہر شخص کے چہرے پہ تبسم تو سجا ہے
آنکھوں میں مگر خواب کے آثار نہیں ہیں
جو لوگ سرِ بزم وفا بیچ رہے ہیں
وہ لوگ یہاں صاحبِ کردار نہیں ہیں
ہم ہار نہ مانیں گے کبھی وقت کے ہاتھوں
ہم گردشِ دوراں سے تو لاچار نہیں ہیں
ساگر ہمیں حالات سے کم تر نہ سمجھنا
ہم ٹوٹ کے بھی زیست سے بیزار نہیں ہیں
© شاعر ساگر حیدر عباسی

0
5