| یہی جانِ ہستی ہیں مولا کے پیارے |
| جو محبوبِ داور ہیں دلبر ہمارے |
| نہیں کل جہانوں میں ثانی نبی کا |
| کمال اُن کو سارے ملے ہیں نیارے |
| جہاں پر عطائے نبی کا ہے سایہ |
| عُلیٰ اُن کے درجے خلق میں ہیں سارے |
| جہانوں کو ظلمت نے گھیرا ہوا تھا |
| حجابوں میں بیٹھے تھے اکثر نظارے |
| لئے شمع نوری جو آئے وہ دلبر |
| کئے ماند اُس نے مہر چاند تارے |
| تلاطم دہر کے سکوں یاب اس سے |
| نظر اہلِ طوفاں کو آئے کنارے |
| ہے ممنون ہستی یہ محمود اُن کی |
| ملے جن سے کونین کو یہ سہارے |
معلومات