| جینے کی لگن، فکر نہ تھی موت و فنا کی |
| رغبت نہ تھی اعزاز کی حشمت کی متا کی |
| راہ فی سبیل اللہ میں قربان کیا سب |
| بے لوث عمل سارے، نہ کچھ حرص جزا کی |
| منشائے خداوندی مقدم رہا ہر دم |
| "مورت ہیں حسینؓ ابن علیؓ صبر و رضا کی" |
| ناناؐ کی شریعت پہ گزند آنے نہ دی کچھ |
| خدمت کی پسر مرتضؓی نے دین خدا کی |
| منصب کا جنوں کھوکھلی بنیادوں پہ رہتا |
| مبہوت ہوئے دیکھ جواں مردی شہاؓ کی |
| ہر حال وفاداری کو ناصؔر ہے برتنا |
| تاحشر پکارے یہ صدا کرب و بلا کی |
معلومات