| یہ سب کی تیرہ بختی تھی جو تُم سرکار بن بیٹھے |
| جو سارے چور ڈاکو تھے وہ پہرے دار بن بیٹھے |
| قیامت ہے کہ جن کو فرقِ بَّر اور بِرّ نہیں آتا |
| وہ اب اپنے مریدوں میں شہہِ ابرار بن بیٹھے |
| مرا مدّمقابل مجھ پہ سبقت لے گیا آخر |
| کہ میرے ہم نشیں اس کے رفیقِ کار بن بیٹھے |
| وہ جن کا دامنِ تیرہ ترستا تھا اجالوں کو |
| طلسمات فسوں سے صاحبِ انوار بن بیٹھے |
| مرے نقشِ تخیّل میں ابھی نقشے پرانے ہیں |
| وہ میرے دیکھتے ہی دیکھتے اوتار بن بیٹھے |
| کبھی امید اپنے آپ سے باہر نکل دیکھو |
| جو صدیوں کے گداگر تھے دُرِ شہوار بن بیٹھے |
معلومات