| میں خواہشوں کے قفس کا قیدی تم الجھنیں بھی شمار کرنا |
| حسین چہروں کا میں پجاری یہ لغزشیں بھی شمار کرنا |
| نبھاہ کرتے یہ عمر گذری مگر نبھانا بہت کٹھن تھا |
| کبھی جو تشخیص کرنے بیٹھو تو کاوشیں بھی شمار کرنا |
| یہاں مقدر کی تھی اسیری بہت دکھایا ہے دل تمہارا |
| مگر جو حصے میں آئیں میرے اذیتیں بھی شمار کرنا |
| بہت دفع یہ ہوا صدائیں بھٹک گئیں یونہی راستے میں |
| جو مسترد تم نے کیں ہمیشہ گذارشیں بھی شمار کرنا |
| عجیب دشمن ملے یہاں پر سکون دن کو نہ چین شب بھر |
| مگر جو اپنوں نے کیں ہمیشہ وہ سازشیں بھی شمار کرنا |
| غلام ابنِ غلام شاہدؔ نہ کر سکا کچھ بھی زندگی میں |
| مٹا گئیں جو نصیب اس کا وہ بارشیں بھی شمار کرنا |
معلومات