| دل میں عنوان مصیبت کے سوا کچھ بھی نہیں |
| زندگی کرب کی صورت کے سوا کچھ بھی نہیں |
| طمع دیدار کی دل میں ہو نظر میں ہو ادب |
| وصل کی رات عبادت کے سوا کچھ بھی نہیں |
| جو تھے مونس وہی دلبر وہی اغیار ہوئے |
| ہائے انسان میں جدت کے سوا کچھ بھی نہیں |
| جان تو جائے گی پھر شمع کی قربت میں سدا |
| نور جلتی ہوئی ظلمت کے سوا کچھ بھی نہیں |
| لاکھ سمجھائے کوئی لاکھ دلاسے بھی ملیں |
| حجر بس روز قیامت کے سوا کچھ بھی نہیں |
| آیتیں یاد ہیں پر دل کو کوئی چین نہیں |
| دل میں رکھا جو عداوت کے سوا کچھ بھی نہیں |
| حسنِ جاناں کا مرے سامنے جو ذکر ہوا |
| میں پُکارا کہ یہ قدرت کے سوا کچھ بھی نہیں |
| دلِ حیدر جو قفس گیر ہے ایسے نہ ہوا |
| عشق بیجا کی یہ فطرت کے سوا کچھ بھی نہیں |
معلومات