| مفاعِلن مفاعِلن مفاعِلن مفاعِلن |
| بے آبرو کرے جو ایسی دل لگی سے باز آ |
| نہ جو کسی کے کام آئے ، زندگی سے باز آ |
| دیارِ دل کی راہ پر جو چل رہا ہے تو سمجھ |
| عیوب ترک کر سبھی بے چارگی سے باز آ |
| یہ صبح کی سفیدیاں وہ شام کی سیاہیاں |
| یہ ہے اساسِ زندگی درندگی سے باز آ |
| جہاں پہ ایک دوسرے سے نفرتیں مزید ہوں |
| تو چھوڑ ایسی محفلیں فسردگی سے باز آ |
| محیط ہوں محبتیں، عداوتیں نہ ہوں ذرا |
| یہ ہے وقارِ زندگی، کشیدگی سے باز آ |
| کبھی تو آئیگی طرب غموں کو نیند آئیگی! |
| میں کہہ رہا ہوں جان من شکستگی سے باز آ |
| گئے جو دن گزر گئے امید رکھ بھلائی کی |
| مزاجِ ارشدؔی بدل تُو طفلگی سے باز آ |
| مرزاخان ارشدؔ شمس آبادی |
معلومات