| سب کو کب ہانکا جاتا ہے ، صاحب ایک ہی سانٹے سے |
| تبدیلی ہوتی ہے ان میں ، ڈھونڈیں لوگ جو چھانٹے سے |
| کچھ اصلاح کی نیّت سے کہہ دو تو غصّہ کر جائیں |
| سنتے کب ہیں پیار سے وہ ، ناراض بھی ہوں وہ ڈانٹے سے |
| ان کو بولو کر کے عمل ، تعلیم پہ خود بھی دکھلائیں |
| دوجا گال کریں نا آگے ، ڈر گئے ایک پہ چانٹے سے |
| رختِ سفر باندھا ہے ، نکلے گھر سے اور اب ڈرتے ہو |
| پھول کی چاہت میں نکلے ہو ، ڈرنا کیا پھر کانٹے سے |
| حیراں ہو کر ہم نے دیکھا ، خود ہی ریڑھی والے نے |
| لانے کو شیزان تھا بھیجا ، تنگ آئے تھے فانٹے سے |
| برتن ٹوٹ کے جُڑ جائے پر ، جوڑ چھپے نظروں سے کب |
| ایک دفعہ ٹوٹی جو یاری ، کب جڑ پائے گانٹھے سے |
| طارق ؔ شوق سے پھیلاؤ دنیا میں جو کچھ سیکھا ہے |
| علم کی دولت ایسی ہے جو ختم نہ ہو گی بانٹے سے |
معلومات