| غزل |
| دوستو ۔ ریت پرانی یہ نبھاتے جاتے |
| آتے جاتے کبھی دو چار سناتے جاتے |
| جان پیاری ہے صنم آپ سے پیاری تو نہیں |
| ایک موہوم اشارے پہ لٹاتے جاتے |
| اب میں اغیار سے کیا دل کے فسانے چھیڑوں |
| آپ آ جاتے تو کچھ غم ہی بٹاتے جاتے |
| یہ بھی اچھا ہے کہ تم خوش ہو بچھڑ کر ہم سے |
| ورنہ بیکار میں ہم جان گھپاتے جاتے |
| زندگی موت نے مہلت نہیں بخشی ورنہ |
| چند دن اور ابھی ناز اٹھاتے جاتے |
| چکنی مٹی سے یہ شہکار بنے گا آخر |
| آپ جس شوق سے ہیں چاک گھماتے جاتے |
| شوخ نظروں کا تقدس جو نہ مانع ہوتا |
| جام و مینا ابھی قدموں میں گراتے جاتے |
| مست نظروں سے شہاب اس نے پلٹ کر دیکھا |
| بچ گئی جان ابھی جان سے جاتے جاتے |
| شہاب احمد |
| ۵ جولائی ۲۰۲۱ |
معلومات