| آج مصروفِ ثنائے شہِ ابرار ہوں میں |
| یعنی در بحرِ عطاِ ربِ غفار ہوں میں |
| آج چمکے ہیں ستارے مرے ہر سو دیکھو |
| کیونکہ گویائے درِ احمدِ مختار ہوں میں |
| آج دیکھی ہے فرشتوں کی روانی میں نے |
| آج تو عالمِ اسرار کے آثار ہوں میں |
| آج یاسینِ کے پانی سے وضو ہے میرا |
| آج تطہیر بیاں کرنے کو تیار ہوں میں |
| آج احمد کی ثنا خوانی کو اٹھا ہے قلم |
| آج سنسار کی تقدیر پہ مختار ہوں میں |
| آج چاہوں تو سبھی سنگ کریں مجھ سے کلام |
| کیوں نہ ہو ایسا غلامِ شہِ ابرار ہوں میں |
| آج میثم کی طرح وجد عیاں ہے مجھ پر |
| آج سلمانِ محمد ہی کی گفتار ہوں میں |
| میں نے جب عالمِ ارواح میں جا کر دیکھا |
| خاک ہوں خاک درِ سیدِ احرار ہوں میں |
| ہوئی معراج مجھے ازنِ ثنا جب پایا |
| عرشِ اولیٰ پہ کہے جائیں وہ اشعار ہوں میں |
| آج پھر دشمنِ احمد کے لئے میرا وجود |
| باعثِ مرگ ہے ان کے لئے تلوار ہوں میں |
| آج الفاظ عطا حضرتِ سرور نے کئے |
| جب ہی کہتا ہے قلم عالمِ اسرار ہوں میں |
| آج اللہ نے مرے قلب کو بخشا ہے قرار |
| آج پھر ثور کے دیدار کی تکرار ہوں میں |
| آج کر سکتا ہوں معراجِ محمد کو عیاں |
| آج ہمراز شہِ حیدرِ کرار ہوں میں |
| آج ہے محوِ طوافِ درِ زہرا حیدر |
| آج گمنام نہیں ورد جہاںدار ہوں میں |
معلومات