| نعت شریف |
| میں دیوانہ نبیِ مصطفی کا |
| بڑا بے حد کرم ہے یہ خدا کا |
| ***** |
| خدا کرتا ہے ان کو پیار بے حد |
| کوئی حد ان کی باندھی ہے نہ سرحد |
| خدا کے بعد ہیں یہ سب سے امجد |
| کہ ان کے نام ہیں احمد، محمد |
| ہر اک منقب ہے ان کا انتہا کا |
| ***** |
| میں دیوانہ نبیِ مصطفی کا |
| ***** |
| خدا نے نور سے ان کو بنایا |
| تو علمِ غیب و حاضر سب سِکھایا |
| محمد نام کو کلمہ میں لایا |
| خدا خود کو نہیں ان سے چُھپایا |
| محمد نام ہی ہے حق نما کا |
| ***** |
| میں دیوانہ نبیِ مصطفی کا |
| ***** |
| خدائے پاك كے خود كے بیاں ہیں |
| محمد وجۂ خلقِ دو جہاں ہیں |
| محمد رحمتِ کُل عالماں ہیں |
| كه ذاتِ بے نشاں كے یه نشاں ہیں |
| نبی ہیں واسطہ حق سے لقا کا |
| ***** |
| میں دیوانہ نبیِ مصطفی کا |
| ***** |
| ملی بس نام سے آدم کو راحت |
| مسیحائی نے پائی ان سے شوکت |
| خدا نے دی نبی کو وہ فضیلت |
| سبھی نبیوں کی ہے ان سے بنوّت |
| محمد عشق ہے سب انبیا کا |
| ***** |
| میں دیوانہ نبیِ مصطفی کا |
| ***** |
| ہیں بابا فاطمہ خیرُ النّسا کے |
| مُھَم مولیٰ علی شیرِ خدا کے |
| سلَف ہیں آقا حَسْنِ مجتبیٰ کے |
| یہ نانا ہیں حسینِ با وفا کے |
| خدا دے مرتبہ ان کے گدا کا |
| ***** |
| میں دیوانہ نبیِ مصطفی کا |
| ***** |
| کوئی اقوام میں نہ قوم ایسی |
| محمد پاک کے اصحاب جیسی |
| خدا نے بخشی ان کو شان کیسی |
| ہیں جیسے آقا ان کے، قوم ویسی |
| عطا ہو نور یا رب اس ھُدیٰ کا |
| ***** |
| میں دیوانہ نبیِ مصطفی کا |
| ***** |
| محمد اصل ہیں ہر اک ولی کی |
| کرن ہے ہر ولی نورِ نبی کی |
| خدا نے جس کسی کی رہبری کی |
| سمجھ میں آئے گا یہ بس اسی کی |
| سمجھنا دے خدایا اولیا کا |
| ***** |
| میں دیوانہ نبیِ مصطفی کا |
| ***** |
| نبی کے عشق کو رکھنا سلامت |
| نبی کا عشق ہے تسکین و راحت |
| نبی کے عشق کی مولیٰ بدولت |
| سدا رکھنا ذکیؔ پر تو عنایت |
| عطا کر مدعا مولیٰ دعا کا |
| ***** |
| میں دیوانہ نبیِ مصطفی کا |
| ***** |
معلومات