| درد و غم ہے عسرتیں آلام ہیں |
| اس زمیں پر بس یہی انعام ہیں |
| کامیابی چند لوگوں کے لئے |
| باقی سارے با خدا ناکام ہیں |
| پل رہی ہیں اشتہا کی گود میں |
| عصمتیں ہر چوک پر نیلام ہیں |
| وہ بھی دن تھے جب یہ سب کچھ جُرم تھا |
| اب تو اس فیشن کے مجرم عام ہیں |
| تیرے احکامات پر دنیا رواں |
| ابنِ آدم مفت میں بدنام ہیں |
| گر کبھی فرصت ملے دھرتی پہ آ |
| دیکھ غربت کے بہت سے نام ہیں |
| کوئی تبدیلی نہیں آتی یہاں |
| سارے منصوبے ادھورے خام ہیں |
| یا تو اب تیری نہیں چلتی یہاں |
| یا خدا کو اور بھی کچھ کام ہیں |
| بھُوک غربت مفلسی بے چارگی |
| ابنِ آدم کے یہی انجام ہیں |
| لُٹ گئی حوّا کی بیٹی چوک پر |
| پھٹ گئے ملبوسِ تن ہر شوق پر |
معلومات