| ہمارے راستے سے آپ ہٹتے کیوں نہیں ہیں |
| اڑے ہیں ایک ہی ضد پر پگھلتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| ہمارا دل بجھا رہتا ہے اس پر کیا کہیں گے |
| دئے آنکھوں میں جانے اب یہ جلتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| نشاں تک کیوں نہیں پہنچا یہ پانی سوچتا ہوں |
| جو اترے تھے وہ دریا پھر سے چڑھتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| ہزاروں حادثے ہوتے ہیں میرے سامنے ہی |
| مری آنکھوں سے آنسو اب نکلتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| کہ ڈھلنا اب تلک ماحول میں آیا نہ ہم کو |
| یہ منظر اب تلک آنکھوں میں جچتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| یہی دکھ کھا رہا ہے مجھ کو اندر سے مسلسل |
| وہ باتیں دل کی جانے مجھ سے کرتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| ابھی قسمت کی دیوی ہے بہت ہی مہرباں پر |
| ملا ہے وقت آگے آپ بڑھتے کیوں نہیں ہیں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔ ۔۔ |
| مسلسل جھیلتے آیا ہوں مَیں رنج و الم کو |
| یہ سورج غم کے مانی سر سے ڈھلتے کیوں نہیں ہیں |
معلومات