| عشق کا نزدیکِ منزل کارواں ہونے کو ہے |
| یعنی میری ختم ساری داستاں ہونے کو ہے |
| دل دھڑک اٹھا ہے میرا جانے کس کی یاد میں |
| سن لیا ہے جشنِ یادِ رفتگاں ہونے کو ہے |
| تیرا انکارِ شبِ وعدہ اے ہمدم! بالیقیں |
| میری خاطر باعثِ دردِ نہاں ہونے کو ہے |
| اس نے دیکھا ہے کچھ اِس انداز سے میری طرف |
| بڑھ کے بیتابیٔ دل آہ و فغاں ہونے کو ہے |
| رو چُکا سارا زمانہ جب ہمارے حال پر |
| آپ کی چشمِ کرم تب مہرباں ہونے کو ہے |
| اس کے سجدوں میں نہیں ملتا خلوصِ بندگی |
| اس لئے زاہد کی محنت رائگاں ہونے کو ہے |
معلومات