| تم سرورِ کونین ہو سرکار مدینہ |
| محبوبِ خدا تم ہو اے سردار مدینہ |
| سب انس و ملک شاہ و گدا آئیں ترے در |
| تم مرکزِ دارین ہو ابرارِ مدینہ |
| لوٹاتے نہیں ہے کبھی خالی کوئی گدا |
| سائل پہ اترتے ہیں وہ انوارِ مدینہ |
| بٹتی ہے درِ مصطفی پر بھیک مسلسل |
| مختاج پہ ہر دم کھلا دربارِ مدینہ |
| معمور رہے یاد تیری سے مِرا سینہ |
| سینے میں بسیں کاش کہ انوارِ مدینہ |
| عاجز پہ کرم کرنا کبھی خواب میں اپنا |
| جلوہ تو دکھانا گلِ گلزار مدینہ |
| عاجز کو بچا شامتِ اعمال سے ہر دم |
| رحمت کا طلب گار ہوں سرکارِ مدینہ |
معلومات