| بے حسی پیدا ہوئی میرے اٹھے ہاتھوں کے بیچ |
| فاصلہ میں اب رکھوں اپنی مناجاتوں کے بیچ |
| کچی آبادی یہ میری آفتوں میں گھر گئی |
| لمبا وقفہ چاہیے ہے اب کے برساتوں کے بیچ |
| میری قسمت میں اندھیرے اب تمنا دل میں ہے |
| دن نکل آئے کبھی اب درد کی راتوں کے بیچ |
| مجھ کو لگتا ہے بچھڑنے کا سمے نذدیک ہے |
| تلخیاں اب آ گئیں ہیں پیار کی باتوں کے بیچ |
| ساری خوشیاں اس کو دے کر درد مجھ کو دے دیئے |
| منصفوں نے فیصلہ لکھا ہے یہ کھاتوں کے بیچ |
| میں تو سمجھا تھا وفاؤں کا صلہ مجھ کو دیا |
| زہر اس نے دے دیا ہے مجھ کو سوغاتوں کے بیچ |
| اس سے جو کہنے گئے تھے بات دل میں رہ گئی |
| چند لمحے دے نہ پایا وہ ملاقاتوں کے بیچ |
معلومات