| یاد اُس کی عذاب کی صورت |
| چہرہ جس کا گلاب کی صورت |
| دل مرا ایک میکدہ جس میں |
| درد خالص شراب کی صورت |
| دوپہر تھی جنابِ سایہ گم |
| دوستی اک سراب کی صورت |
| دل کی بد صورتی چھپاتی ہے |
| جیبھ اس کی نقاب کی صورت |
| میں ترے شہر میں اکیلا ہوں |
| ایک خانہ خراب کی صورت |
| مسکرایا تو آنکھ میں اٹھا |
| سیل اک سیلِ آب کی صورت |
| گلستاں میں گلاب ہو جیسے |
| آپ کے انتخاب کی صورت |
| تو بتا دیکھنے کے قابل ہے؟ |
| آج درسی نصاب کی صورت |
| بچ نکلنا نظر نہیں آتا |
| یوں ہے اب اضطراب کی صورت |
| (ڈاکٹر دبیر عباس سید) |
معلومات