مرے دل میں رہے یاد مدینہ یا رسول اللہ |
مُجھے مل جاۓ جینے کا قرینہ یا رسول اللہ |
چراغِ عشق جلتا ہے ضمیرِ جاں کے گوشے میں |
تمہاری یاد سے روشن ہے سینہ یا رسول ﷺاللہ |
غمِ دنیا مٹاتے ہیں تری نسبت کے جلوے سب |
سکونِ قلب کا ہیں یہ خزینہ یا رسول ﷺاللہ |
تمہارے نور سے ہی کل جہاں یہ جگمگاتے ہیں |
مرا دل بھی بنا دو اک نگینہ یا رسول ﷺ اللہ |
مودت آل کی عتیق عاجز کو عطا کیجئے |
عطا ہو آل کا پیارا سفینہ یا رسول الله |
معلومات