| قسمتوں میں ہمارے جیل میاں |
| راحتیں آپ کی رکھیل میاں |
| طوق فولاد کا ہے گردن میں |
| ناک میں چھبتی سی نکیل میاں |
| ہم کو آتی ہے عقل لاٹھی سے |
| سوچ لینے گئی جو تیل میاں |
| قیمتیں یار نے لگا کے سب |
| خوب ڈالی ہے داغ بیل میاں |
| موڈ بنتا ہے جگ کا پیسے سے |
| ہے زباں سب کی فار سیل میاں |
| رانی حاکم پلے ہیں نازوں میں |
| دکھ تو بس فاختہ کے جھیل میاں |
| ہوں نہتا میں ، بولا یہ طائر |
| ہاتھ میں تیرے ہے غلیل میاں |
| تجھ سے کیا شکوہ میں کروں شاہد |
| جاں گئی میری ، تیرا کھیل میاں |
معلومات