| تری معصومیت ہے اس طرح کردار میں ظاہر |
| کہ جیسے پھول ہوتا ہے کسی گلزار میں ظاہر |
| ملی تھیں اس طرح ان سے نگاہیں بزم انجم میں |
| کہ جیسے جان ہو گویا کفن بردار میں ظاہر |
| کروں کس طرح سے لفظوں میں تیرے حسن کا چرچا |
| کبھی قرآں بھی کرتے ہیں بھرے بازار میں ظاہر |
| تری یادیں ہیں زندہ اس طرح اک گوشہِ دل میں |
| کہ جیسے چشمہِ فن ہو کسی فنکار میں ظاہر |
| کجا وہ حسن کا محور کجا عشقِ دلِ حیدر |
| یہ وہ پروانہ ہے ہوتا ہے جو آزار میں ظاہر |
معلومات