| بغض ہے انسان کو انسان سے |
| پر محبت کر رہا شیطان سے |
| لو لگا لے تو اگر رحمن سے |
| دل منور ہو گا پھر ایمان سے |
| خوارگی اپنا مقدر ہو گئی |
| دور ہم جب سے ہوئے قرآن سے |
| پستئ مسلم فنا ہو جائے گی |
| نکلے گا قرآن جب جزدان سے |
| آگیا مسلم پہ جب دورِ شباب |
| قلبِ مسلم ہو گئے ویران سے |
| دل ہوا مردہ تو کر زندہ اسے |
| کیا ملے گا اس دلِ بے جان سے |
| ہے یہی بہتر تو نیک اعمال کر |
| بات واں بنتی نہیں پہچان سے |
| دامنِ عشقِ مجازی چھوڑ دے |
| عشق کر حسانؔ تو رحمٰن سے |
| در گزر کرنا اے مولائے کریم |
| ہو خطا سرزد اگر حسانؔ سے |
معلومات