| دل سے اب ہر ایک خواہش، ہر پکارے مسترد |
| تُو نہیں تو زندگی کے یہ خسارے مسترد |
| ہم نے اِک تیرے سوا دیکھا نہیں کوئی جمال |
| اب نظر کی حد میں جتنے ہیں نظارے، مسترد |
| جس میں شامل ہو نہ تیرے پاؤں کی آہٹ کا لمس |
| ہم کو اپنے گھر کے وہ روشن دِوارے مسترد |
| جس طرف سے تُو نہ آئے، جس طرف تیرا نہ ہو |
| راہ کے وہ موڑ سارے، وہ اشارے مسترد |
| چاہتوں میں جب وفا کا کوئی امکاں ہی نہیں |
| پھر یہ جھوٹے دِلا سے، اور یہ دِلاسے مسترد |
| ہم سفر جب تُو نہیں تو کیا سفر، کیسی ڈگر؟ |
| اب سمندر کے ہمیں تو یہ کنارے مسترد |
| عشق کی بازی میں عادلؔ جب وہ ہی جیتا نہیں |
| جیت کے دعوے ہیں جتنے، ہم نے ہارے مسترد |
معلومات