| طیبہ کی یاد نے مجھے آخر رُلا لیا |
| اشکوں کے بکھرے موتیوں نے رب کو منا لیا |
| عشقِ نبؐی نے رنگ دکھانا ضرور تھا |
| "سرکارِؐ دوجہاں نے جو اپنا بنا لیا" |
| چھلکے گی تب عمل سے عقیدت کی چاشنی |
| سینہ کو اپنے جب درُودوں سے سجا لیا |
| اللہ رسولؐ کی ملے گی اس کو ہی رضا |
| گر سنت و حدیث کو دل میں جما لیا |
| پائے عظیم مرتبہ وہ بندہ پارسا |
| امت کے درد و غم کا وطیرہ سدا لیا |
| تازہ قرونِ اُولیٰ کی یادیں اُسی نے کیں |
| در در کی ٹھوکروں کو یہاں جس نے کھا لیا |
| عرشِ بریں پہ بیڑہ ہو ناصؔر بھی پار تب |
| آقاؐ کی دل میں اپنے محبت بسا لیا |
معلومات