| لبوں پر نبی کی ثنا آ رہی ہے |
| جو سینے میں نوری ضیا لا رہی ہے |
| ہے مجلس پہ چھائی گھٹا رحمتوں کی |
| مدینے سے اس کو ہوا آ رہی ہے |
| عجب کیف میں ہر جہاں لگ رہا ہے |
| فضا مدحتِ مصطفیٰ گا رہی ہے |
| فروزاں دل و جاں اسی سے دہر کے |
| چمن کے گلوں کو یہ لہرا رہی ہے |
| بنے نبضِ ہستی جو دلبر کے نغمے |
| خلق دلربا سے ملا کھا رہی ہے |
| عُلیٰ اُن کے ڈنکے بجائے خدا نے |
| زبانِ زماں جن کو دہرا رہی ہے |
| ہے وجداں جہاں کا ثنائے نبی میں |
| اے محمود فطرت یہ فرما رہی ہے |
معلومات