| اے بہارِ عرب تیری کیا بات ہے |
| اے نگارِ عرب تیری کیا بات ہے |
| گلَزارِعرب تیری کیا بات ہے |
| کہسارِعرب تیری کیا بات ہے |
| اعلی ہے مرتبہ تیرا ارضِ عرب |
| تیرے خطے میں ہے طیبہ اور حرم |
| تیری عظمت پہ قرباں ہو سارے وطن |
| اے وقارِ عرب تیری کیا بات ہے |
| بولتی ہے صبا کیا کروں میں بیاں |
| کیسی ہے وہ فضا جاں فزاں جاں فزاں |
| نور سے ہے مزین وہاں کا سماں |
| اے بہارِ عرب تیری کیا بات ہے |
| وہ جو سردار کونین شاہِ ہدی |
| وہ جو تسکین جاں ہیں شہِ انس وجاں |
| ان کے قدموں سے رتبہ ہے تجھ کو ملا |
| ریگ زارِ عرب تیری کیا بات ہے |
| حق نے فرمائی قرآں میں جس کی قسم |
| رحمتوں کی ہے بارش جہاں ہر قدم |
| ہے وہ مکہ مدینہ بہت محتشم |
| اے دیارِ عرب تیری کیا بات ہے |
| جن کے آگے ہیں خم تاجداروں کے سر |
| وہ نبی جس کو سجدہ ہیں کرتے شجر |
| ان کے جلووں سے روشن ہیں شام و سحر |
| اے نگارِ عرب تیری کیا بات ہے |
| ہر مسلماں کے دل میں ہے حرمت کا پاس |
| تیرے خاطر ہے ہر اک کے دل میں گداز |
| دل میں ﺫیشان کے بھی ہے آنے کی آس |
| شہرِ یارِ عرب تیری کیا بات ہے |
معلومات