| سید انبیاؐ کی نبوت بدیع |
| ہے رسولوں میں تاجؐ رسالت بدیع |
| آپؐ نے پائی شان امامت بدیع |
| اسری میں مصطفیؐ کی ضیافت بدیع |
| کفر و الحاد کی شمع بجھنے لگی |
| آمنہ کے ہوئی گھر ولادتؐ بدیع |
| کارواں میں کبھی رہتے آگے نہ تھے |
| سرور سروراںؐ کی امارت بدیع |
| چاند پر چاند گزرے نہ چولھا جلا |
| سہ کے فاقوں پہ فاقے قناعتؐ بدیع |
| رات بھر محو سجدہ رکوع و قیام |
| تا ورم پاؤں تھکتے خشیتؐ بدیع |
| درس اسوہؐ سے ناصؔر ملا سادگی |
| پیارے آقاؐ نے چھوڑی ہے سیرتؐ بدیع |
معلومات