| سفر میں ہوں مجھے منزل سے آشنا کر دے |
| مریضِ عشق ہوں مجھ کو شفا عطا کردے |
| میں اس لئے ترے گھر حاضری لگاتا ہوں |
| کہ اپنے سارے گھروں میں تُو خود بُلا کر دے |
| ستارے ماند ہوئے چاند کی ضرورت ہے |
| نہ آسمان پہ رکھ اس کو رہنما کر دے |
| بنے فساد کی آماجگاہ بحر و برّ |
| زمیں پہ امن کا شہزادہ بادشہ کر دے |
| اسی لئے تو نظر آسماں پہ رہتی ہے |
| یہ تُو ہی جانتا ہے کب کسی کو کیا کر دے |
| ملا ہے یا کہ ملےگا جو سب تجھی سے ہے |
| میں جانتا ہوں نہ ہر چیز تُو بتا کر دے |
| عجب ہے شان کہ حیران دیدہ و دل ہیں |
| جو دیکھے جلوہ ترا صبح سے مسا کر دے |
| ہے اس سے دعویٰ ء الفت تو یہ امید بھی ہے |
| کوئی تو ہے جو عنایت کی انتہا کر دے |
| فرشتے پیش کریں جا کے التجا میری |
| سُنے تو سن کے مجھے سرخرو خدا کر دے |
| کسوٹی قرب کو پانے کی ہے یہی طارق |
| بصد خلوص و وفا خود کو تو فنا کر دے |
معلومات