| کیا سبب ہے مسکراتے کیوں نہیں |
| یا ہے مجبوری بتاتے کیوں نہیں |
| داستان غم سناتے کیوں نہیں |
| رنج کو ہلکا کراتے کیوں نہیں |
| زینہ ناکامی کا نااہلی رہی |
| اس خجل کو اب اٹھاتے کیوں نہیں |
| بد روی ہے خستہ حالی کی وجہ |
| عزت و تعظیم پاتے کیوں نہیں |
| کیوں ترقی یافتہ اغیار ہیں |
| خواب سینہ میں سجاتے کیوں نہیں |
| کر دیا ریزہ غرض مندی نے ہے |
| قوم و ملت پر لٹاتے کیوں نہیں |
| ظرف ہے ناصؔر شئے اعلی مگر |
| عزم و ہمت کو دکھاتے کیوں نہیں |
معلومات