| وعدہ ہے یاد آج بھی مجھ کو کیا ہوا |
| احساس میں ہے زندہ وہ اب تک بسا ہوا |
| منظر حسین بھولے نہیں بھولتا مگر |
| "آنکھوں میں ایک دشت ہے کب سے رکا ہوا" |
| کوئی بھی اعتماد کے قابل نہیں رہا |
| گھر کا ہی بھیدی دشمنوں سے تھا ملا ہوا |
| دنیا کی زندگی اسی مانند ہی سمجھ |
| سستانے بس رکا ہو مسافر تھکا ہوا |
| مطلب پرستی پھیل چکی ہے وبا کی طرح |
| ہمدردی کا ہے بول بھی وزنی کہا ہوا |
| گمراہی سے بچیں رہیں تو سرخروئی ہو |
| ہوگا ذلیل بھی بری رہ پر چلا ہوا |
| اعزاز ہو اسی کا ہی ناصؔر فقط یہاں |
| ملت کی فکروں میں ہو جو پورا فنا ہوا |
معلومات