| عبادتوں میں بھی اجرت ہے کیا کیا جائے |
| عجیب رنگ عبادت ہے کیا کیا جائے |
| عروج ہمکو میسر نہیں زمانے سے |
| عجیب قوم کی حالت ہے کیا کیا جائے |
| لگا ہے جس کو زمانہ قریب لانے میں |
| ہمیں بھی اس سے محبت ہے کیا کیا جائے |
| سبھی کو جانا وہیں ہے جہاں سے آۓ ہیں |
| یہ چند روز کی مہلت ہے کیا کیا جائے |
| ذلیل ہمکو کیا ہے اسی بھکاری نے |
| اسی کی ہم پے حکومت ہے کیا کیا جائے |
| فریب دے کے ترا جسم جیت سکتا ہوں |
| مگر خلاف شریعت ہے کیا کیا جائے |
| اگر جو قبر پرستی عزیز ہے اس کو |
| تو لا الاہ پے لعنت ہے کیا کیا جائے |
معلومات