| وُہ میرے ھاتھ سے یُوں بھی نِکلتا جاتا تھا |
| عجِیب شخص تھا خوابوں میں ڈھلتا جاتا تھا |
| وُہ شام کِس کی امانت تھی؟ کِس کو سونپ آیا؟ |
| نِدامتوں سے مِرا دل پِگھلتا جاتا تھا |
| مُجھے بھی روگ تھا جس کا علاج کوئی نہ تھا |
| اُسے بھی دُکھ تھا کوئی، جِس میں گلتا جاتا تھا |
| کِسی کا مُجھ سے بِچھڑنا کبھی نہ بُھول سکا |
| رُکے رُکے ھُوئے قدموں سے چلتا جاتا تھا |
| میں اُس کی بزم میں خُود کو سمیٹے بیٹھا رہا |
| بہت سنبھالا مگر دل پِھسلتا جاتا تھا |
| وہ ایک شخص جسے تھا غرور ہستی پر |
| ابھی ابھی تھا یہاں ہاتھ ملتا جاتا تھا |
| فقط خیال سمجھ کر جھٹک دیا تھا جسے |
| مِرے وجُود کو اب وُہ نِگلتا جاتا تھا |
| کِسی غریب کے بچے کی طرح میرا دل |
| کِھلونے دیکھتا جاتا، مچلتا جاتا تھا |
| رشیدؔ وقت کوئی مجھ پہ ایسا گزرا ہے |
| شراب پِیتا تو کُچھ کُچھ سنبھلتا جاتا تھا |
| رشید حسرتؔ |
معلومات