| ڈنکا عُلیٰ دہر میں سرکار آپ کا |
| دیتا دلی مرادیں دربار آپ کا |
| آنکھوں میں اک تڑپ ہے اور دل میں آرزو |
| مانگے یہ بردہ جانم دیدار آپ کا |
| کونین کے مسیحا فضل و کرم کریں |
| میں پیار مانگوں دائم دلدار آپ کا |
| محشر میں اس کو آقا ایسے نہ چھوڑنا |
| اونچی کرے ندائیں حب دار آپ کا |
| پیاری نظر اے آقا مشکل کشا بنے |
| بردہ رہا خطا سے بیمار آپ کا |
| نبیوں کے یا حبیبی ہیں آپ پیشوا |
| اعلیٰ مقام سب سے سرکار آپ کا |
| جبریل اِذن مانگیں جب گھر میں آئیں وہ |
| عزت کو زینتیں دے کردار آپ کا |
| محمود پیارے در پر مانگے شفاعتیں |
| جیسا بھی ہے مگر ہے مختار آپ کا |
معلومات