روز دل میں خیال آتا ہے |
کیسے جلوے خدا دکھاتا ہے |
میں بھی لکھتا ہوں خوب لکھتا ہوں |
جب سے میرا خدا لکھاتا ہے |
اپنی مرضی سے میں نہیں کہتا |
وہ جو کہتا ہے خود کراتا ہے |
سیکھتا ہے بشر تبھی چلنا |
جب بھی چلنا خدا سکھاتا ہے |
میں بھی کچھ بے سبب نہیں کہتا |
لفظ خود ہی زباں پہ آتا ہے |
کوئی خود بھی تو بچ نہیں سکتا |
دوسروں کو اگر گراتا ہے |
مکر تو ہر جگہ نہیں چلتا |
وہ بھی تدبیر لے کے آتا ہے |
سب سے بالا ہے وہ جو مالک ہے |
وہ جو اس کا ہے فتح پاتا ہے |
طارق اس کا ہوا جو تن من سے |
گود میں اس کی مسکراتا ہے |
معلومات