| آج کچھ بات کرنے آئے تھے |
| دن میں ہی رات کرنے آئے تھے |
| جسمِ خاکی اتار کر سرِ طور |
| اک ملاقات کرنے آئے تھے |
| آپ تو بس خموش بیٹھے ہو |
| ہم تو کچھ بات کرنے آئے تھے |
| جانے اس دشتِ شوق میں مرے سائے |
| کیا مرے ساتھ کرنے آئے تھے |
| عشق، وحشت، جنوں، عذابِ ہجر |
| ہم پہ سوغات کرنے آئے تھے |
| اس جہانِ خراب میں آخر |
| کیوں بسر رات کرنے آئے تھے |
| وہ پرانی کہانی کے بادل |
| رات برسات کرنے آئے تھے |
| ہم نے کب بازی جیتنا تھا کہ ہم |
| اپنی ہی مات کرنے آئے تھے |
| کیا عجب میری جان کے دشمن |
| کل مصافات کرنے آئے تھے |
| جاں ہتھیلی پہ رکھے عشق گلی |
| ہم بھی خیرات کرنے آئے تھے |
| اک تمنّا لیے چلے آئے |
| خواب کو ذات کرنے آئے تھے |
| کچھ تو دل کی شکستگی پہ ہنسے |
| کچھ کرامات کرنے آئے تھے |
معلومات