| تجھ سے مل کے میری سوچیں سوگوار ہو گئیں |
| مسکراہٹیں کیوں دکھ سے ہمکنار ہو گئیں |
| مجھ میں تھیں جو خوبیاں وہ خامیوں میں ڈھل گئیں |
| خامیاں جو تھیں مزید آشکار ہو گئیں |
| راکشس کو نیند سے نجانے کیوں اٹھا دیا |
| خواہشیں میری تمام داغدار ہو گئیں |
| آنکھیں تر تھیں ہر گھڑی وہ حالتِ وضو میں تھیں |
| خشک ہو کے آج کل گنہہ گار ہو گئیں |
| صورتیں جو دیکھ کر یہ زندگی تھے جی رہے |
| صورتیں وہ ہی تمام ناگوار ہو گئیں |
معلومات