| چپکے سے آ کے جو مرے من میں اتر گیا |
| سوچا تو اس کے آنے سے ، جیون سنور گیا |
| ڈھونڈا اسے اگرچہ تخیّل میں بار ہا |
| آیا وہ جب بھی سامنے ، ہنس کے گزر گیا |
| اس کے بھی دل میں ، ہو گی محبّت مرے لئے |
| میں خوش ہوا جو میرے لئے وہ ٹھہر گیا |
| اس کو نہ راس آ سکا اک عکسِ دلبری |
| جب طور آئینہ نہ بنا تو بکھر گیا |
| وعدہ کیا تھا دید کا اس نے بشرطِ عشق |
| ایسا کبھی ہوا نہیں ، وہ ہو مُکر گیا |
| کچھ میری پردہ پوشی ہی منظور تھی اسے |
| محفل میں میرے پاس سے جو چپ گزر گیا |
| اس کی تلاش میں کبھی مایوس کب ہوا |
| میں جب نہ ڈھونڈ پایا اسے ، اس کے گھر گیا |
| طارق نئی یہ بات تو ایسی نہیں کوئی |
| ہر جا جنون ، عشق میں ، ہے کام کر گیا |
معلومات