| میں نے کہا کہ ہم وہ دوانے نہیں رہے |
| کہنے لگی کہ اب وہ زمانے نہیں رہے |
| پوچھا کہ اگلی بار ملو گی مجھے کہاں |
| کہنے لگی کہ اب وہ ٹھکانے نہیں رہے |
| بولی خطوط کا کوئی اب فائدہ نہیں |
| کہنے کو اب کوئی بھی فسانے نہیں رہے |
| پوچھا کہ میری یاد رلائے گی اب کبھی |
| اس نے کہا کہ اب وہ سرہانے نہیں رہے |
| ڈھونڈوں کہاں کہ اب کوئی ہمدرد ہی نہیں |
| کہنے لگی کہ لوگ سیانے نہیں رہے |
| میں نے کہا کہ پوچھ لوں اک آخری سوال |
| بولی کہ اب کوئی بھی بہانے نہیں رہے |
معلومات