| روح کو جسم سے جدا کرنا |
| اتنا آساں نہیں وفا کرنا |
| اب میں حساس ہو گیا ہوں بہت |
| تم بھی جی بھر کہ اب جفا کرنا |
| خواب سچے نہیں ہوا کرتے |
| اس لئے جاگتے رہا کرنا |
| شام ہوتے ہی ڈوب جائے جو |
| ایسے سورج کا یار کیا کرنا |
| تیرا غم تجھ سے کتنا بہتر ہے |
| ِاس سے سیکھو ذرا وفا کرنا |
| ویسے ہنس ہنس کے بات کرنا پر |
| تیز بارش میں رو لیا کرنا |
| دیکھ کاغذ پہ آ رہی ہے نمی |
| دیکھ لفظوں کا التجا کرنا |
| جس زمانے میں تم ہمارے بنو |
| جلد آ جائے تم دُعا کرنا |
| اب تو عادت سی ہو گئی ہے یار |
| اب دُکھوں کا شمار کیا کرنا |
| لکیرِ ہجر جو دیکھی فقیر کہنے لگا |
| دعائیں مانگتے رہنا خدا خدا کرنا |
| گر جو فرصت ملے جنابِ مَن |
| میری غزلیں بھی پڑھ لیا کرنا |
| یہ خدا کا نظام ہے یاسر |
| کیا نصیبوں کا اب گلہ کرنا |
معلومات