| عالمِ حزن پر تپاک سہی |
| تو نہیں تو ترا فراق سہی |
| پسِ منظر ہے اک دریچۂِ شوق |
| روح اور دل جہاں ہلاک سہی |
| رنگِ بے ماجرائی میں ڈھل کے |
| اپنی ہی ذات کا مذاق سہی |
| رات بھر رہنا زیرِ سایۂِ ہجر |
| رتجگوں کا یہ اشتیاق سہی |
| مست ہیں وہ تو اپنی مستی میں |
| اپنا انجام خوفناک سہی |
| خانہ ویرانی دل کی جاتی نہیں |
| خصلتِ قلب احتراق سہی |
| گرچہ مشکل ہے، جسم ڈھکنے کو |
| یہ قباۓ فراق، شاق سہی |
| دل بہلنے کو عشق پھر سے ہو |
| پھر سے یہ کارِ شرمناک سہی |
| زیبؔ وہ منظرِ دیارِ یار |
| سر بہ سر خاک ہے سو خاک سہی |
معلومات