| مسلمانوں کو کیا یہ ہو گیا ہے |
| ضمیر ان کا کہاں پر سو گیا ہے |
| نہیں کانوں پہ جوں تک رینگتی اب |
| مسلماں اپنی غیرت کھو گیا ہے |
| فلسطینی لہو اتنا ہے ارزاں |
| کسی کو کیا بہایا جو گیا ہے |
| نصیبوں پر جو بمباری ہوئی ہے |
| بجا قسمت کو اپنی رو گیا ہے |
| نہایا خون میں بوڑھا مریض اب |
| دوا لینے کو گھر سے تو گیا ہے |
| بہا معصوم بچوں کا لہو جو |
| گناہوں کو وہ کس کے دھو گیا ہے |
| ہیں بکھریں ہر طرف معصوم لاشیں |
| یہ نظّارہ تو نفرت بو گیا ہے |
| بندھائیں باپ کی ڈھارس بھلا کیا |
| وہ خوش ہے بیٹا جنّت کو گیا ہے |
| ترقّی حضرتِ انساں کی دیکھو |
| دلوں کے بوجھ سارے ڈھو گیا ہے |
| بھلا طارق کو کیوں ہو دوش دیتے |
| وہ کہہ کر لفظ تو اک دو گیا ہے |
معلومات